Зубовіч пра канкурэнцыю ў ЧБ: «На дыстанцыі, думаю, што «Тарпеда-БелАЗ» будзе канкурэнтам «Нёмана», ды і мінскае «Дынама» набярэ таксама»

Форвард «Нёмана» Ягор Зубовіч падзяліўся думкамі пра канкурэнцыю ў ЧБ у гэтым сезоне.

Нагадаем, праз чатыры туры ЧБ «Нёмана» заняў другое месца ў табліцы, саступаючы толькі «Славіі». Поўная табліца тут.

– Зараз галоўны ваш праследавальнік – «Славія». Каго занясеце да канкурэнтаў на дыстанцыі, мінскае «Дынама» пакуль, як бачым, буксуе.

– «Славія» – арганізаваная каманда. І па пачатку сезона вельмі нядрэнна глядзіцца. Тактычна добра гуляе, граматна. А ў менскім «Дынама» зараз шмат моладзі. Таму было відавочна, што могуць быць збоі. Але і жодзінскае «Тарпеда-БелАЗ» – па выканаўцах тамака вельмі добры калектыў, трэнерскі штаб таксама пісьменны. На дыстанцыі, думаю, што аўтазаводцы будуць канкурэнтамі нашымі. Ды і «Дынама» набярэ таксама. Чатыры гэтыя каманды, як па мне, і будуць уверсе, – падсумаваў Зубовіч.