Іван Біёнчык: «Я ведаю, што «Арсенал» хацеў і ехаў «Славію» экзаменаваць і тэставаць. Пратэставалі. Абрусам дарога»

– Добры матч. Хлопцы добра дзейнічалі, быў пэўны этап, калі супернік у штангу трапіў. Былі пэўныя абставіны. Але, зноў жа, першая такая спякота, якая таксама ўнесла свае карэктывы пасля дажджлівага тыдня. Варта адзначыць таксама тое, што не толькі супернік нам супрацьпастаўляў гульню, але і даводзілася яшчэ змагацца з полем, і часам яно ўплывала дастаткова. Адпаведна, радуе тое, што такога роду абставіны было не адзін супернік, а было паўтара суперніка, і, адпаведна, хлопцы справіліся, выдатна рэалізавалі моманты. Хацелася б, каб раней моманты гэтыя рэалізавалі, але як атрымалася, так атрымалася. Ім вялікі дзякуй і падзяку.

– Ці можна назваць вось гэты апошні выхад з замены Сазончыка і Грудзько практычна ідэальнай?

– Можа быць і ідэальна, але я хачу адзначыць тое, што выдатна выйшаў Саша Чыж, добра сябе праявіў і добра дзейнічаў. Яго выхад супакоіў запал суперніка і нейкае жаданне. І Кузняцоў выдатна выйшаў і добра дзейнічаў. Роўна як і адзначу таксама ўсіх хлопцаў, якія сёння выходзілі, выдатна дзейнічалі. І Катляроў галявую перадачу аддаў. Зноў жа мы забываем, апускаем гэта. Дзякуй хлопцам, што яны вельмі ўважліва паставіліся і, як следства, правялі добры матч.

– Можна сказаць, што сённяшні супернік, дзяржынскі «Арсенал», па руху быў самай моцнай з усіх каманд, з якімі сустракаліся сёлета?

– Па руху? Не, я б не сказаў, што гэта была самая моцная каманда ці не моцная. Стамляе мяне ацэньваць суперніка і казаць пра тое, што там... Я ведаю, што супернік хацеў і ехаў тут нас экзаменаваць і тэставаць. Пратэставалі, адэкзаменавалі – абрусам дарога, як гаворыцца, – сказаў Біёнчык.