«Мамелодзі Сандаўнс» і «Эсперанс» сталі яшчэ двума ўдзельнікамі ад Афрыкі на клубным чэмпіянаце свету-2025

Пасля матча паўфіналу Лігі чэмпіёнаў Афрыкі паміж каірскім «Аль-Ахлі» і «Мазембэ» (3:0) «Эсперанс» з Туніса і «Мамелодзі Сандаўнс» з Паўднёвай Афрыкі атрымалі магчымасць згуляць на клубным чэмпіянаце свету ў 2025 годзе ў ЗША.

Выхад «Аль-Ахлі» ў фінал гарантуе абедзвюм камандам месца на клубным чэмпіянаце свету з-за іх рэйтынгу сярод афрыканскіх клубаў.

Ад Афрыкі на турніры будзе 4 прадстаўнікі. Раней на чэмпіянат свету ўжо трапілі егіпецкі «Аль-Ахлі» і мараканскі «Відад». Турнір будзе праходзіць кожныя 4 гады (у няцотныя, калі няма ЧС зборных ці Еўра).

На клубны чэмпіянат свету 2025 таксама выйшлі: «Чэлсі», «Манчэстэр Сіці», «Рэал», «Атлетыка», «Баварыя», «Барусія» Дортмунд, «Ювентус», «Інтэр», «ПСЖ», «Бенфіка», «Порту», «Зальцбург», «Фламенга», «Мантэрэй», «Палмейрас», «Флуміненсэ», «Леон», «Сіэтл Саўндэрз», «Аль-Хіляль», «Урава Рэд Даймандз» і «Окленд Сіці».