Дамінік Дзінга: «Атрымаў пашкоджанне ў «Тарпеда-БелАЗ». Праз гэта не прайшоў прагляд і зʼехаў»
Сербскі абаронца «Нафтана» Дамінік Дзінга распавёў пра тое, чаму не перайшоў у «Тарпеда-БелАЗ», дзе праходзіў прагляд зімой.
– Упершыню за доўгі час вы правялі афіцыйны матч. Як вы сябе адчуваеце?
– Добра сябе адчуваў на полі. Перад тым як выйсці ў старце, я два тыдні трэніраваўся з клубам.
– Як падтрымлівалі форму ў перыяд адсутнасці гульнявой практыкі?
– Індывідуальна трэніраваўся ў Бялградзе. Таксама падтрымліваў форму з мясцовымі камандамі.
– Цяперашняй зімой вы знаходзіліся ў размяшчэнні «Тарпеда-БелАЗ». Што не атрымалася, каб заключыць кантракт з клубам?
– Атрымаў пашкоджанне. Праз гэта не прайшоў Прагляд і зʼехаў.
– Як зʼявіўся варыянт з «Нафтанам»?
– З дапамогай агента дамовіліся. Далі мне шанец, дзякуй усім.
– Ці ўсё вас задавальняе ў Наваполацку?
– Усё добра. Працаваць. Спадзяюся, ужо хутка пачнём перамагаць, – сказаў Дзінга.
