Неверагодны гол з Чэмпіёншыпа – рабона з вострага кута
Такое вы наўрад ці бачылі.
У 32-м туры англійскага Чэмпіёншыпа аўтсайдар лігі «Ратэрхем» прымаў «Хал», які мае нядрэнныя шанцы пазмагацца за павышэнне ў класе праз плэй-оф. Гаспадары нечакана выйгравалі большую частку матчу, адкрыўшы лік на 4-й хвіліне. Аднак памыліліся пры выхадзе з абароны ў сваёй штрафной. Сітуацыяй класна скарыстаўся вінгер Джэйдэн Філоджын-Байдэйс: прыбраў на замаху абаронцу і з вострага кута прабіў рабонай у далёкі кут:
Першапачаткова, праўда, мяч запісалі як аўтагол, але потым, перагледзеўшы эпізод, вызначылі, што дотык абаронцы быў мінімальны і на траекторыю палёту практычна не паўплываў.
Дарэчы, усяго праз 4 хвіліны «Хал» забіў другі мяч і здолеў давесці матч да перамогі – 2:1.
Як думаеце, такі гол рабонай цягне на прэмію Пушкаша?