Пратэсты футбольных фанатаў у Германіі не спыняюцца – на гэты раз у ход пайшлі сучасныя тэхналогіі

Раней мы ўжо пісалі, што ў Германіі набіраюць абароты пратэсты футбольных фанатаў, якія незадаволеныя тым, што на агульным зборы клубаў першых двух дывізіёнаў Германіі было прынята рашэнне аб з'яўленні ў Нямецкай футбольнай лігі (DFL) знешніх інвестараў.

Бундэсліга ідзе на рэвалюцыйныя крокі, каб дагнаць АПЛ. Заўзятары рэзка супраць

І калі раней у заўзятараў у ход ішлі шакаладныя манеты, замкі і пагрозлівыя банеры, то на гэты раз сярод незадаволеных знайшліся аматары сучасных тэхналогій.

Пратэст супраць Нямецкай Футбольнай Лігі: фанаты «Уніяна» закідалі поле шакаладнымі манетамі

Дзве акцыі пратэсту, два выдаленні і сем галоў, адзін з якіх на 90+8-ай хвіліне – у Германіі прайшоў пакуль самы цікавы сёлетні матч

Так, падчас матчу другой нямецкай Бундэслігі паміж «Ганзай» і «Гамбургам» фанаты запусцілі на поле машынкі з дыстанцыйным кіраваннем, якія выпускалі густыя клубы дыму. Cупрацоўнік стадыёна спрабаваў вырашыць праблему з нечаканымі ўдзельнікамі матчу магутнымі ўдарамі нагой па іх, але адзін у полі не ваяр, і праблема была вырашаная толькі калектыўнымі намаганнямі.

ВІДЭА

У хуткім часе гульня працягнулася.

У канчатковым рахунку матч паміж «Ганзай» і «Гамбургам» скончыўся галявой нічыёй – 2:2.