У новай футбольнай форме зборнай Германіі ад Adidas разглядзелі нацысцкую сімволіку

Спартыўны брэнд Adidas прадставіў футбольную форму для зборнай Германіі і падвергся крытыцы ў сетцы.

Карыстальнікі звярнулі ўвагу на фатаграфіі ў афіцыйных сацсетках кампаніі, на якіх адлюстраваны белыя футболкі з чорным прынтам у выглядзе нумара 44. Некаторыя юзеры разгледзелі ў ім сімволіку SS  – нацысцкай арганізацыі НСДАП Schutzstaffel, абазначэнне якой пазней сталі пісаць у руніцкай форме.

З-за шквалу негатыўных каментароў у Нямецкім футбольным саюзе заявілі, што ніводны гулец ФРГ не будзе насіць нумар 44, паколькі на чэмпіянаце Еўропы ўсе члены каманды выступаюць пад нумарамі ад 1 да 23.

У інтэрнэт-краме Adidas кліенты ўсё яшчэ могуць купіць футболку па цане ў 100 еўра і пры афармленні замовы вырабіць імя і нумар. Аднак кіраўніцтва кампаніі прыняло рашэнне заблакаваць выкарыстанне не толькі нумара 44, але і такіх надпісаў, як фюрэр, ці Гітлер. Пры гэтым усё яшчэ можна замовіць прозвішчы міністраў гітлераўскага рэжыму Гебельса ці Герынга.

«Выпуск 44-га нумара будзе забаронены ў самы кароткі тэрмін. У Adidas працуюць людзі прыкладна са 100 краін, наша кампанія выступае за разнастайнасць і інклюзіўнасць, і мы як кампанія актыўна выступаем супраць ксенафобіі, антысемітызму, гвалту і нянавісці ў любой форме», – пракаментаваў журналістам нямецкага выдання прадстаўнік Adidas Олівер Бруген.

Adidas уляпаўся ў скандал пад канец супрацоўніцтва са зборнай Германіі, распрацаваўшы няўдалы дызайн формы на хатняе Еўра-2024. З 2027 года Бундэстым будзе экіпіраваць Nike.