«Рэксхэм» другі раз запар падняўся ў лізе – клуб Рэйнальдса ўжо ў Д3 Англіі
Кіношная гісторыя працягваецца.
Казка «Рэксхэма» працягваецца - валійскі клуб, які ў 2021-м годзе набылі галівудскія акцёры Раян Рэйнальдс і Роб МакЭлхені за 2,5 млн фунтаў, атрымаў другое запар павышэнне ў класе.
Толькі ў красавіку мінулага года «Рэксхэм» падняўся з Нацыянальнай лігі ў Лігу 2 (Д4 Англіі) - упершыню за 14 гадоў і з рэкордам набраных ачкоў.
Прайшоў год - і клуб ужо адзначае трапленне ў Лігу 1 (Д3 Англіі), дзе не быў з 2005-га.
Гэта здарылася ў матчы 44-га тура супраць «Форэст Грын». «Рэксхэм» разграміў суперніка 6:0 і за 2 туры да фінішу стаў недасягальным для «МК Донс» з чацвёртай пазіцыі. Таксама павышэнне атрымаў лідэр «Стокпорт».
Дубль супраць «Форэст Грын» зрабіў 29-гадовы нападаючы Пол Мулін - легенда «Рэксгема», у якога ўжо 97 галоў у 130 матчах за каманду. У гэтым сезоне ён з'яўляецца другім найлепшым бамбардзірам Лігі 2.
Пасля гульні Мулін радаваўся ледзь не больш за ўсіх:
Зрэшты, яго відавочна перасягнулі заўзятары, якія выбеглі на поле:
Каманда ж атрымлівала асалоду ад шампанскага на полі і ў распранальні:
А Рэйнальдс апублікаваў у X (твітары) вельмі кранальнае паведамленне:
«Некалькі гадоў таму, калі б вы сказалі мне, што я буду плакаць ад радасці з-за футбольнага матчу, які праходзіць у Паўночным Уэльсе, вы былі б Робам МакЭлхені».
Цяпер мэта гэтых двух галівудскіх зорак - выхад у чэмпіёншып. Ці змогуць ужо ў наступным годзе?