Румынская «Глорыя Бузэу» з беларускамі Ільіной і Васілеўскай, прайграўшы, прайшла далей у кваліфікацыі Еўралігі з-за памылкі ў заяўцы «Малагі»
Гандбольны суд ЕГФ вынес рашэнне, датычна пратэсту «Глорыі Бузэу», за якую гуляюць беларускі Дыяна Ілліна і Наталля Васілеўская. Клуб з Румыніі падаў скаргу на вынік матчу ў адказ у кваліфікацыі Еўралігі супраць «Малагі» з-за ўдзелу ў гульні гандбалісткі, не ўнесенай у заяўку.
Высветлілася, што на 43-й хвіліне гульні гандбалістка «Малагі» Ізабель Медэйрас, якая гуляла пад 27 нумарам, закінула мяч, але тэхнічны дэлегат не змог адзначыць гэта ў пратаколе матчу, паколькі гэтай гандбалісткі не было ў заяўцы. Адбылася тэхнічная памылка, паколькі Медэйрас была пазначана ў спісе гульцоў іспанскага клуба.
Гандбольны суд палічыў, што вінаватыя ў гэтай сітуацыі прадстаўнікі «Малагі», а не тэхнічны дэлегат. Ягоная функцыя ў гэтым выпадку была чыста тэхнічнай. А прадстаўнікі «Малагі» пацвердзілі подпісам вернасць звестак, унесеных у пратакол.
Такім чынам, рашэннем стала залічыць «Малазе» тэхнічную паразу з лікам 0:10 у гэтай гульні. У заключны раунд кваліфікацыі Еўрапейскай лігі выходзіць «Глорыя». Там румынскі клуб згуляе з венгерскім «Машонмадзьяварарам».