Юры Шаўцоў: «Спадзяюся, спарынгі з Расіяй дадуць Куляшу штуршок, і ён намацае сваю гульню ў чэмпіянаце Германіі, стане тым Уладам, якога ўсе ведаюць»
Галоўны трэнер зборнай Беларусі Юрый Шаўцоў пракаментаваў уступленне Уладзіслава Кулеша за нацыянальную каманду ў спарынгах з расіянамі. Нагадаем, што беларусы саступілі ў абедзвюх сустрэчах з лікам 23:28 і 25:28. Кулеш запісаў на свой рахунак 14 закінутых мячоў.
– Лепшым бамбардзірам беларусаў у маскоўскіх матчах стаў Уладзіслаў Кулеш. Задаволены ім? Напэўна, уважліва сочыце за яго выступамі ў бундэслізе?
– Пасля пераходу ў іншы клуб заўсёды патрэбны час на адаптацыю. У гэтыя паўгода ва Улада ў «Гановеры» гульня не ішла, не клеілася. Ён стараўся, працаваў, каб паказваць узровень, да якога імкнуўся сам і якога ад яго чакаюць.
Ведаю, што ў Германіі многіх уразіла выступленне Кулеша за «Кельце» ў «фінале чатырох» мінулага розыгрышу Лігі чэмпіёнаў. А зараз асабіста я як трэнер вельмі рады, што Уладу ўдаліся гульні з расіянамі. Ён і ў першым спарынгу закінуў даволі шмат, а ў пятніцу ўвогуле цягнуў каманду на пару з Боханам. На жаль, многія іншыя гандбалісты не паказалі нармальную гульню.
Спадзяюся, гэтыя матчы дадуць Уладу штуршок, і ён намацае сваю гульню ў чэмпіянаце Нямеччыны, стане тым Куляшом, якога ўсё ведаюць. Мы з ім размаўлялі – абмяркоўвалі яго праблемы і тое, як над імі працаваць, – распавёў Юрый Шаўцоў.
