Трэнер зборнай Беларусі сярод жанчын Бабічаў пра абавязковую тактыку камандаў у матчах ЧБ: «Гульня будзе больш актыўнай, з вялікай колькасцю адрываў і пераходамі ў контратаку»
Трэнер жаночай зборнай Беларусі па гандболе Максім Бабічаў патлумачыў неабходнасць унясення ў рэгламент чэмпіянату Беларусі пункта, які прадугледжвае абавязковую актыўную абарону (3х3) у першыя 15 хвілін гульні.
– Хацеў бы звярнуць увагу на атрыманне мяча на месцы, потым вядзенне мяча і затым рух да плошчы варот.
Праблема ўласцівая і дзецям, і ігракам клубаў ва ўсіх дывізіёнах, ігракам нацыянальнай зборнай. Нам трэба неяк яе вырашаць.
Прапаную ўвесці актыўную абарону 3х3. Яна падштурхне на адкрыццё без мяча, што паспрыяе развіццю якасці стартавай хуткасці, руху пад мяч, атрыманню мяча на хаду ў руху і як следства дадатковым тром крокам перад вядзеннем.
Гульня будзе больш актыўнай, з вялікай колькасцю адрываў і пераходамі ў контратаку, што таксама немалаважна ў сучасным гандболе.
Кожны гулец незалежна ад амплуа пры атрыманні мяча будзе мець больш магчымасці ісці на атаку і несці больш небяспекі для суперніка, мець больш варыяцый для абыгрышу. Адпаведна будуць развівацца індывідуальныя якасці гульца, – сказаў Бабічаў.
