Мужчынская зборная Беларусі стала 19-й у рэйтынгу ЕГФ
Еўрапейская федэрацыя гандбола апублікавала абнаўленне ў рэйтынгу мужчынскіх зборных.
Каманды размешчаны ў рэйтынгу на аснове вынікаў адборачных і фінальных стадый ЧС-2021, ЧЕ-2022 і ЧС-2023.
Зборная Беларусі стала 19-й, набраўшы 92 ачкі (36+36+20). Беларусы размясціліся паміж Паўночнай Македоніяй з 94 ачкамі і Аўстрыяй – з 90. Расія – на 13-й пазіцыі (152 ачкі). Нагадаем, што абедзве зборныя адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расіяй ва Украіне з выкарыстаннем тэрыторыі Беларусі.
У лютым 2023 года беларусы займалі 17-е месца ў рэйтынгу.
Украіна размясцілася на 22 месцы з 76 баламі (столькі ж у Літвы і Босніі і Герцагавіны – Tribuna.com).
Усяго ў рэйтынгу прадстаўлены 46 зборных.
У топ-10 увайшлі:
1) Данія – 448 балаў;
2) Швецыя – 424 балы;
3) Іспанія – 400 балаў;
4) Францыя – 384 балы;
5) Нарвегія – 320 балаў;
6) Германія – 264 балы;
7) Венгрыя – 244 балы;
8) Харватыя – 212 балаў
9) Ісландыя – 196 балаў;
10) Славенія – 192 балы.