Кавалёў аб скандаванні заўзятараў у свой адрас у матчы з «Нёманам»: «У мяне першы раз такое ў кар'еры. Яны маюць сваё меркаванне, будзем рэагаваць на сітуацыю»
Галоўны трэнер «Дынама» з Маладзечна пракаментаваў паразу ад «Нёмана» (3:6), а таксама скандаванне заўзятараў з трыбун з просьбай аб яго адстаўцы.
– У першую чаргу, хачу павіншаваць Гродна з перамогай. Добрая каманда, але мы ім вядома крыху дапамаглі. У нас такіх чатыры гульні, вядзем у дзве шайбы, і адразу ўсё разбураецца, ламаецца. Цяжка было сабраць.
– Вы як быццам адчувалі, калі павялі 3-1, кінулі бутэльку, таму што літаральна ў наступнай жа змене прапусцілі другі гол...
– Так, я вельмі крычаў. Трэба, як гавораць прафесійныя балельшчыкі, пасля 2-0 тайм-аўт браць. Але ў першым перыядзе гэта, мусіць, трэба было браць, можа быць гэта і дапамагло б. Але мы вельмі незадаволены, што так адбылося. Першы перыяд мы гулялі - была каманда, а потым пара памылак і мы ўжо спрабуем даганяць суперніка. Гэта ўжо як заканамернасць, 3-4 гульні такіх мы маем у актыве...
– Ці задаволеныя вы дзеяннямі Расціслава Зінавенкі ці ёсць пытанні па галах?
– Вы мяне ведаеце, я ніколі варатароў не абвінавачваў...
– Шайба Летава ў распранальню неяк надламала? Гэта ўсё ж была першая змена, як вы павялі 3-1.
– Я ўжо казаў, што ў нас ужо чатыры падобныя сітуацыі. Тайм-аўт гавораць трэба браць... Але я не веру ў тое, што адзін гол можа падламаць. Супернік быў вельмі годным. Яны гулялі, каталіся, у іх потым усё стала атрымлівацца і, вядома, трэба разабрацца ў нашых памылках. Гэта мы ім далі шмат свабоды ці каманда сапраўды моцная.
– Прычына адсутнасці ў складзе Пяціна?
– Гэта невялікая ратацыя
– Сёння атрымалася непрыемная сітуацыя ў канцы матчу. Ваша рэакцыя і што б вы хацелі адказаць сваім заўзятарам?
– Я ўсё чуў. Цяжкае, вядома, пытанне, у мяне першы раз такое ў кар'еры. Але, мусіць, такое бывае з кожным. Заўзятары маюць сваё меркаванне, будзем рэагаваць на сітуацыю. Падумаем, паглядзім і дзякуй ім вялікі, – сказаў Кавалёў.
⚽️Чэмпіянат свету-2022 па-беларуску і без VPN! Пампуй дадатак Tribuna.com
