Мацярухін пра 0:6 з «Нёманам»: «Некаторым абаронцам і нападнікам пашанцавала, што ёсць «Магілёў», які дае шанец гуляць, бо яны ўжо больш нікому не патрэбныя»
Галоўны трэнер «Магілёва» Аляксандр Мацерухін пракаментаваў разгромную паразу ад «Нёмана» з лікам 0:6.
– Гулялі з адным з лідэраў чэмпіянату, які відавочна будзе змагацца за першыя месцы. Папярэджваў хлопцаў аб тым, што будзе рабіць «Нёман» і як яны будуць гуляць, але не ўсе гэта зразумелі, на жаль. Мабыць, тым, хто не нічога зразумеў, рана гуляць ці даўным-даўно час сканчаць.
Гэта не пра маладых хлопцаў Малашчанку, Малючэнку і Шапіру, якія сваім звяном, дарэчы, яшчэ дастаткова добра гралі сёння, спрабавалі ствараць моманты, і ў іх нешта атрымлівалася. Іншым абаронцам і некаторым нападнікам па вялікім рахунку пашанцавала, што ёсць такі клуб як «Магілёў», які яшчэ дае шанец камусьці гуляць, бо яны ўжо больш нікому не патрэбны.
Яны, напэўна, лічаць, што яны вышэй за гэты клуб, вартыя большага, але калі было так, то яны гулялі б у іншых клубах. Гэта не ўсіх датычыцца, вядома. Ёсць і тыя хлопцы, якія б'юцца, працуюць, пытанняў да іх няма. Але ёсць тыя, якія проста займаюць нечае месца, забіваюць час на лёдзе, гуляюць без энтузіязму, проста выходзяць і робяць ласку ўсяму клубу. Нажаль, яны тут толькі таму, што на дадзены момант іх няма кім замяніць. Мы можам прайграць, але біцца і выконваць тое, што ад іх патрабуюць павінны ўсё.
Мая памылка ў тым, што я доўга трымаў у камандзе некаторых хлопцаў. Відаць, мне давялося, хаця з другога боку, трэба было звальняць, даваць гуляць маладым. На будучыню такога больш не дазволю. Лепш няхай гуляюць тыя, хто будзе біцца і даказваць, чым тыя, хто лічыць, што яны вельмі добрыя. Мы зробім аналіз, і ўжо да наступнага матча будуць змены. Паспрабуем выправіць памылкі, каб іх было менш.
– Не так шмат часу да трансфернага дэдлайну. Нейкія змены будуць у складзе?
– Так, змены будуць. Не хочацца нікога на драфт адмоваў ставіць ці звальняць, але, відаць, па-іншаму хлопцы не разумеюць. Проста знаходзіцца ў клубе – гэта няправільна. Гулец павінен рабіць нешта, што прыносіць карысць камандзе. Нават калі ў яго гэта не зусім добра атрымліваецца, але відаць, што ён імкнецца – гэта самае галоўнае. Але калі чалавек адбывае нумар на лёдзе проста таму, што няма рэзерву ў камандзе – гэта мая памылка. Паўтаруся, трэба было браць некаторых хлопцаў з фарма, няхай нават на шкоду камандзе. Так, яны без досведу, будуць памыляцца, але прынамсі яны будуць біцца. Лепш так, чым ёсць.
– Упершыню ў гэтым сезоне Вы далі шанец Прахарэнку...
– Прахарэнка мог ужо даўно гуляць у першай камандзе, але, напэўна, у яго павінна нешта пстрыкнуць у галаве, каб ён гэтага сам захацеў у першую чаргу. Ён цудоўна разумее, што можа гуляць. Апроч гэтага трэба яшчэ і працаваць. З'явіўся шанц, у яго былі і добрыя моманты і тыя, дзе ён памыляўся. Калі б Максім і раней прыклаў больш намаганняў, каб патрапіць у першую каманду, то мог бы замацаваць яшчэ ў мінулым сезоне. Але, відаць, яго ўсё задавальняла ў фарме, таму ён не надта імкнуўся. Паглядзім, магчыма, яго меркаванне зменіцца. У яго ёсць усе дадзеныя, каб гуляць у экстралізе, – сказаў Мацерухін.
