Трэнер «Юнацтва» Есаулаў пра перамогу над «Магілёвам»: «Пры поўным кантролі гульні прапускаць дзве шайбы вельмі балюча»
Галоўны трэнер «Юнацтва» Яўген Есаулаў падзяліўся меркаваннем пра перамогу над «Магілёвам» (4:2).
– Пры поўным кантролі гульні прапускаць дзве шайбы вельмі балюча. Такія памылкі не павінны дапускацца. Можна сказаць, што гэтыя два прапушчаныя галы вышмаравалі ўсё прыгожае, што было ў гэтай гульні.
– У чым прычына гэтых галоў?
– Гэта звычайная канцэнтрацыя. Пры поўнай перавазе пэўныя хакеісты пачалі адыходзіць ад плана на гульню, выдумляць нешта сваё - адсюль дурныя памылкі і прапушчаныя галы.
– Пасля перамогі вы практычна гарантавалі сабе ўдзел у плэй-оф. Наколькі гэта прыемна? І чым будзеце займацца ў міжнародную паўзу?
– Плей-оф – гэта выдатна, але хочацца падняцца вышэй. У паўзе будзем умацоўваць фізічную базу перад стартам накаут-раунда, – сказаў Есаулаў.
