Галоўны трэнер зборнай Беларусі U18 Шульга пакінуў хакеістаў начаваць у распранальні пасля паразы ад жаночай зборнай Расіі

У Астане праходзіць Міжнародны турнір Eurasia Jastar Cup, у якім удзельнічаюць зборная Расіі U16, зборныя Казахстана U18 і Беларусі U18, а таксама жаночая нацыянальная зборная Расіі.

У яго рамках адбыўся міні-турнір па хакеі «3 на 3». У гульні за трэцяе месца зборная Беларусі U18 саступіла жаночай зборнай Расіі (0:1).

У пакаранне за такі вынік галоўны трэнер зборнай Беларусі Дзмітрый Шульга пакінуў хакеістаў начаваць у распранальні «Барыс Арэны».

Адзначым, што сёння зборная Беларусі разграміла жаночую зборную Расіі з лікам 12:0.