Сяргей Стась: «Прыемна граць пры такой атмасферы, хлопцы гэта адчувалі»
Галоўны трэнер «Гомеля» Сяргей Стась падзяліўся меркаваннем аб матчы з «Металургам» (3:1) у першым матчы плэй-оф Экстралігі.
– У першую чаргу, хацеў бы падзякаваць заўзятарам, была добрая атмасфера, даўно не бачыў настолькі поўных трыбун. Было вельмі прыемна гуляць пры такой атмасферы, хлопцы гэта адчувалі.
Што да матчу: «Металург» пачаў сустрэчу актыўна, магутна, мы гулялі цярпліва, прытрымліваліся плану, чакалі сваіх шанцаў. У прынцыпе, што зараз казаць, серыя доўгая, гэта пакуль яшчэ маленькі крок, гэтая перамога без астатніх нічога не будзе значыць.
– Ці можна сказаць, што доўгая паўза перад стартам плэй-оф паўплывала на пачатак сённяшняга матчу?
– Так, у мяне закрадаліся такія думкі, асабліва ў першым перыядзе. Не было спарынгаў, выбіліся з рытму. З іншага боку, мы перазагрузіліся, загаілі болькі, добра патрэніраваліся, – сказаў Стась.
