Цярэшчанка аб магчымым прызначэнні Разіна галаўкамам «Дынама»: «Андрэй прымусіць замежнікаў паважаць Беларусь і беларускі хакей»
Экс-гулец мінскага «Дынама» Аляксей Цярэшчанка паразважаў аб магчымых пераемніках Крэйга Вудкрафта на пасаду галоўнага трэнера мінскага «Дынама»
– У мінскае «Дынама» актыўна сватаюць Андрэя Разіна. Ці добры гэта варыянт для «зуброў»?
– Думаю што так. Плюс гэта будзе стымулам для маладых гульцоў, з якімі ён дастаткова якасна працаваў у «Северсталі». Гэта будзе пэўны крок наперад. Ён і замежнікаў прымусіць гуляць. Калі яны не будуць гэтага рабіць, значыць, будуць бегаць. Разін прымусіць іх паважаць Беларусь і беларускі хакей.
– У трэнерскі штаб мінчан уваходзіць Аляксандр Андрыеўскі, які мае багаты досвед працы галоўным трэнерам, таксама можа вызваліцца Андрэй Скабелка, бо «Барыс» у бягучым сезоне адкрыта праваліўся. Ці могуць Андрыеўскі ці Скабелка вывесці мінскае «Дынама» на новы ўзровень у выпадку прызначэння на замену Вудкрафту?
– Я не знаёмы ні з адным, ні з іншым, таму казаць нешта канкрэтнае не магу. Але ў цэлым думаю, што ў Скабелкі больш шанцаў гэта зрабіць. Па-першае, ён і больш прапрацаваў галоўным трэнерам, ды і з топ клубамі працаваў, – сказаў Цярэшчанка.
