Іван Кульбакоў: «У Амерыцы фінансаў не хапала. Прапанавалі варыянт два-тры разы на тыдзень прыходзіць дапамагаць дзецям развівацца. Хто хацеў, той пакідаў чаявыя пасля трэніроўкі»
Беларускі брамнік «Тарпеда» з Ніжняга Ноўгарада Іван Кульбакоў распавёў пра свой досвед выступаў у Паўночнай Амерыцы.
– З'ехаўшы ў Паўночную Амерыку ў 19 гадоў, у першы год вы здолелі папрацаваць трэнерам брамнікаў. Улічваючы іншы менталітэт і, перш за ўсё, іншую мову, як вам гэта ўдалося?
– У лізе, у якую я зʼехаў, легіянераў рассялялі па семʼях. Зразумела, мае бацькі дапамагалі мне фінансава. Але для Амерыкі гэтага не хапала. І пасля размовы з генеральным менеджэрам клуба мне прапанавалі варыянт два-тры разы на тыдзень прыходзіць дапамагаць дзецям развівацца. Хто хацеў, той пакідаў чаявыя пасля трэніроўкі.
– Такую падпрацоўку прапаноўвалі ўсім гульцам?
– Не, толькі мне. Магчыма, дзецям падабалася мая гульня, – сказаў Кульбакоў.
Кульбакоў выступаў у Паўночнай Амерыцы з 2016 па 2019 год.