Журналіст The Athletic Уілер уключыў Ляўшунова ў топ-3 праспектаў драфту-2024 НХЛ
Журналіст партала The Athletic Скот Уілер апублікаваў папярэдні рэйтынг лепшых праспектаў для драфта НХЛ 2024 года.
У спісе на трэцяй пазіцыі апынуўся беларускі абаронца «Грын Бэй Гэмблерс» з USHL Арцём Ляўшуноў.
Уілер таксама пракаментаваў рашэнне ўключыць беларуса ў гэты рэйтынг.
«Хакеісты з Беларусі двойчы выбіраліся ў топ-10 на драфце НХЛ, але Ляўшуноў, здаецца, мае рэальныя шанцы стаць першым выбарам у топ-5. Зорны сезон Ляўшунова ў USHL параўнальны (насамрэч, больш прадуктыўны) з тым, які правёў Оуэн Паўэр у тым жа ўзросце. І хаця Ляўшуноў старэйшы па ўзросце сярод тых, хто трапляе ў лік кандыдатаў у 2024 годзе, бо ён нарадзіўся ў кастрычніку 2005 года, аднак Пауэр таксама нарадзіўся ў лістападзе.
Ляўшуноў адпавядае ўсім параметрам, якія каманды шукаюць у абаронцах высокага класа. Ён правша з прафесійным целаскладам. Ён добра катаецца, валодае добрай рухомасцю ў чатырох кірунках. Хоць ён быў крыху «зялёным» у абарончым плане, калі прыехаў у USHL, ён хутка прагрэсаваў і сапраўды разабраўся з гэтым у гэтым годзе. Ён умела пасуе і валодае шайбай, можа з камфортам кіраваць выхадамі са сваёй зоны і ўваходамі ў чужую зону. Ён умела ходзіць па лініі і добра кантралюе гульню. І хаця я б не сказаў, што ён пакуль дынамічны ў нападзе, ён добра знаходзіць прастору і гуляе ўпэўнена і спакойна. Калі прыкласці яшчэ крыху намаганняў і дапрацаваць яго гульню, у яго будзе вялізны патэнцыял», – напісаў Уілер.