Грабоўскі: «Мая асноўная мэта – НХЛ. Там магу назіраць за Шаранговічам, Калячонкам, Протасам. Чэмпіянат свету – турнір, дзе не гуляюць лепшыя гульцы»
Генеральны менеджэр зборнай Беларусі Міхаіл Грабоўскі расказаў пра сваё стаўленне да чэмпіянату свету.
– Ці плануеце глядзець матчы бліжэйшага чэмпіянату свету па хакеі?
– Буду назіраць, але гэта не мая асноўная мэта. Асноўная - НХЛ. Чэмпіянат свету будзе на другім плане.
– Наколькі зараз чэмпіянат свету па хакеі знаходзіцца на перыферыі ўвагі беларускага гледача? Я, напрыклад, толькі сёння даведаўся, у якіх ён краінах пройдзе.
– Я даведаўся, напэўна, тыдзень таму. Чэмпіянат свету сам па сабе той турнір, дзе не гуляюць найлепшыя гульцы.
– Без расіян і беларусаў – тым больш?
– Так, і мая ўвага звернута на НХЛ, дзе гуляюць наймацнейшыя, там я магу назіраць за Шаранговічам, Калячонкам, Протасам і іншымі. Чэмпіянат свету цікавы толькі з пазіцыі нашых магчымых сапернікаў, з якімі будзем гуляць, калі вернемся на гэты турнір, – сказаў Грабоўскі.
Нагадаем, што IIHF адхіліла прадстаўнікоў Беларусі ад спаборніцтваў пад сваёй эгідай у адказ на вайну, якая з 24 лютага 2022 года працягваецца Расіяй ва Украіне з выкарыстаннем тэрыторыі Беларусі.
