Гулец зборнай Беларусі Усаў: «Усе хочуць праявіць сябе, каб потым далі шанец згуляць на ЧС ці на АГ»
Нападаючы зборнай Беларусі Ілля Усаў падзяліўся меркаваннем аб гульні каманды.
Нагадаем, зборная Беларусі адхілена ад міжнародных спаборніцтва ў сувязі з вайной ва Украіне, якую працягвае Расія з выкарыстаннем тэрыторыі Беларусі.
– Я не так шмат гульняў правёў за сезон, і ў мяне яшчэ заставаліся сілы. Адчуваў, што магу памагчы. Засумаваў па хлопцах з каманды. Усіх вельмі рады бачыць. Павезла, што хутка візу падоўжыў і завяршыў усе справы тамака. Атрымалася своечасова прыехаць.
Вельмі добры досвед для хлопцаў, таму што ў складзе Расіі гульцы толькі з КХЛ. Нашы маладыя хакеісты, якія гуляюць у вышэйшай лізе ці ў экстралізе, могуць паспрабаваць свае сілы на фоне такіх дасведчаных спартоўцаў і ўбачыць, да чаго трэба імкнуцца, каб дасягнуць высокіх вынікаў. Усе – малайцы, усe імкнуцца. Відаць, што ў хлопцаў гараць вочы.
У любым выпадку, гэта нацыянальная зборная, хоць і маладая, і ўсе хочуць праявіць сябе, каб потым ім далі шанец згуляць на чэмпіянаце свету або ў кваліфікацыі на Алімпійскія гульні, – сказаў Усаў.
