Ворсін пра бан: «МАК узначальваюць слабыя фігуры. Пад ціскам палітычных поглядаў мы прыйшлі да маразму»
75-гадовы экс-кіраўнік федэрацыі хакея Беларусі Яўген Ворсін падзяліўся меркаваннем пра міжнародны бан беларускіх спартсменаў.
– Хуан Антоніа Самаранч (прэзідэнт МАК 1980 – 2001 – Tribuna.com) быў адзіным, які стаяў, як глыба, у адносінах і да Захаду, і да СССР. Ён ніколі не паддаваўся ні на чые ўгаворы, хаця ён вырашаў многія пытанні, у тым ліку і палітычнага характару на ўзроўні кіраўнікоў дзяржаў. Ён адстойваў прынцып алімпізму.
Што адбылося пасля яго? Алімпійскі камітэт [міжнародны] узначальваюць слабыя фігуры, гэта прызнаюць усе.
Сёння пад ціскам палітычных поглядаў мы прыйшлі да маразму. Нядопуск па нацыянальнай прыкмеце – гэта дыскрымінацыя спорту як такога, – упэўнены Ворсін.
Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту.
28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.