Протас пра вячэру ў члена Putin Team Малкіна: «Я яго фанат! Напэўна, адзін з найлепшых вечароў у маім жыцці»

Беларускі хакеіст «Вашынгтона» Аляксей Протас распавёў пра досвед зносін з членам Putin Team Яўгенам Малкіным.

– Ні для каго не сакрэт, што для «Вашынгтона» самы прынцыповы праціўнік – «Пітсбург». Так было і так будзе. Гэта сапраўдная вайна! Прычым не толькі на лёдзе, але і сярод балельшчыкаў.

– Калі ў вас «вайна», то як вы з Авечкіным, Кузняцовым і Аляксеевым апынуліся на вячэры ў доме Яўгена Малкіна ў сакавіку 2023 года?

– Барацьба толькі на лёдзе, у рэальным жыцці адбываецца нармальныя чалавечыя зносіны. Перад гульнёй Малкін запрасіў да сябе на вячэру, ну а мы не адмовіліся. Гэта было цудоўна! Я ж яго фанат! Напэўна, адзін з найлепшых вечароў у маім жыцці, – сказаў Протас.