Арцём Дзямкоў: «Разбярэм памылкі. Будзем рыхтавацца да рэваншу з «Гомелем»

Форвард «Шахцёра» Арцём Дзямкоў падзяліўся меркаваннем аб матчы з «Гомелем» (2:4).

– У прынцыпе, гулялі добра. Валодалі ініцыятывай, але не хапіла рэалізацыі. Без галоў не бывае перамог, таму над гэтым кампанентам нам трэба працаваць.

– Магчыма, у чымсьці гэта паражэнне зараз нават карысна для каманды?

– У нечым – так. Думаю, гэта нас, наадварот, падштурхне ў будучыні. Плюс, мы ведаем, над якімі момантамі нам трэба яшчэ працаваць. Усё будзе добра.

– Не так удала дзейнічаеце ў большасці, а ўчора і зусім прапусцілі, гуляючы ў 5х4. Што не ідзе пакуль у гэтым кампаненце?

– Лічу, нам трэба прасцей гуляць у гэтай сітуацыі, не выдумляць лішняга! Кідаць па варотах, зачыняць варатара, ісці на дабіванне, і галы прыйдуць.

– Якія высновы зрабілі пасля ўчорашняй гульні, і як будзеце рыхтавацца на заўтра?

– Высновы мы зробім крыху пазней, у нас будзе відэа, там разбяром памылкі. Будзем рыхтавацца да рэваншу, вядома. Настройвацца! Пры роднай публіцы жадаем паказаць добры хакей і перамагчы. Яшчэ хачу сказаць вялікі дзякуй балельшчыкам за ўчарашнюю падтрымку. Чакаем заўтра ўсіх з плакатамі і будзем старацца больш не падводзіць вас! – сказаў Дзямкоў.