Дзмітрый Квартальнаў: «Забілі ў роўных складах, у большасці. Не прапусцілі ў меншасці. Усе патрэніравалі ў матчы з «Сочы»
Галоўны трэнер мінскага «Дынама» Дзмітрый Квартальнаў падзяліўся меркаваннем аб матчы з «Сочы» (6:2).
– Задаволеныя. Забілі ў роўных складах, у большасці. Не прапусцілі ў меншасці. Усе патрэніравалі ў гэтым матчы. Рабяты добра сябе паказалі.
– У параўнанні з першым матчам у абедзвюх каманд гулялі запасныя варатары. Ці можна сказаць, што гэта стала фактарам перамогі і такой колькасці шайб?
– Мы не глядзім на гэта. Чаму запасныя варатары? Усе варатары ў ростеры І Макс Траццяк гуляў, і Дылан Фергюсан гуляў. Ня думаю, што прычына ў гэтым.
– Пасля другой шайбы Энаса вы нешта яму доўга тлумачылі. Што?
– Да гала ён рызыкоўна дзейнічаў на сіняй лініі. Растлумачыў яму, што гэта было неабгрунтавана. Мы вялі ў ліку і, калі правільна памятаю, гулялі ў большасці. Тамака можна было зрабіць прамую перадачу. Там не трэба было рызыкаваць. У «Сочы» хуткія нападаючыя, яны могуць уцячы. Гэта ў іх і атрымлівалася.
– У другім перыядзе за руку трымаўся Кодзі Керран. І ў Мікіты Смірнова нешта было. Які іх стан?
– Доктар мне нічога не казаў. Раз не казаў, то, хутчэй за ўсё, з імі ўсё ў парадку.
– У трэцім перыядзе больш гульнявога часу атрымалі маладыя хакеісты. Як іх ацаніце?
– Хлапчукі – малайцы. Рахунак дазваляў даць ім яшчэ больш гульнявога часу. Тым больш у іх ішла гульня. Яны ў тым ліку закідвалі. Думаю, усё зрабілі правільна. І лідарам далі адпачыць, бо яны гуляюць і ў роўных складах, і ў спецбрыгадах.
– Улад Кaдола ўчора не гуляў, а сёння аформіў два асіста. Як вам яго гульня?
– Улад – малайчына, два асістаў зарабіў. Згуляў нядрэнна. Але чакаем ад Улада большага, ён можа гэта. Трэба знайсці нітачкі і разгайдаць яго. У яго галявая засуха. Гэта трэба прайсці праз працу.
– Калі вернуцца ў асноўную групу Пышкайла і Гарбуноў?
– Пакуль не магу сказаць дакладна. Рома Гарбуноў, мусіць, паедзе на выезд. У Мікіты Пышкайлы такая траўма, што, напэўна, трэба будзе пачакаць.
– Ёсць варыянт, што мiнскае «Дынама» можа згуляць у Маскве са «Спартаком» на футбольным стадыёне.
– Я б палічыў за найлепшае згуляць у лядовым палацы. Тут як вырашыць ліга. Калі зробяць так для заўзятараў, то будзем гуляць, – сказаў Квартальнаў.