Аляксандр Мацярухін: «У «Магілёве» ёсць гульцы, якія дапускаюць вельмі грубыя памылкі, якія не маюць права дапускаць»

Галоўны трэнер «Магілёва» Аляксандр Мацерухін падзяліўся меркаваннем аб матчы з «Лакаматывам» (5:6).

– Нядрэнны матч быў: адкрыты хакей. Наперадзе стварылі шмат момантаў, закінулі пяць шайб, але, на жаль, і ззаду было досыць брака, чым супернік і скарыстаўся.

Будзем рабіць высновы. Ёсць гульцы, якія дапускаюць вельмі грубыя памылкі, якія яны не маюць права дапускаць. Будзем спрабаваць нешта змяніць, данесці да іх, што так граць і рабіць нельга.

На жаль, мы прайгралі. Дзякуй фан-сектару і балельшчыкам, што падтрымалі нас. На жаль, не ўдалося іх парадаваць. Будзем старацца зрабіць гэта ў наступных матчах, – сказаў Мацерухін.