Данііл Сацішвілі: «Перад «Дынама» стаіць задача – падняцца ў рэгулярцы як мага вышэй»
Нападаючы мінскага «Дынама» Данііл Сацішвілі падзяліўся меркаваннем пасля пераможнага матчу супраць «Спартака» (3:1) у рэгулярным чэмпіянаце КХЛ.
– Данііл, як ацэніш матч у цэлым?
– Добрая гульня. Камандная перамога. Хлопцы малайцы, усіх віншую. Здолелі абгуляць усё ж «Спартак» у гэтым сезоне пасля дзвюх няўдач да гэтага. Пачалі рэалізоўваць свае моманты. Больш сканцэнтраваліся на абароне. Сёння ўсё атрымалася.
– Ці па сілах вам забрацца ў рэгулярцы вышэй за 8-е месца?
– Вядома. Перад намі стаіць задача – падняцца як мага вышэй. І мы пастараемся гэта рэалізаваць па максімуме.
– Патэнцыйна «Спартак» можа быць вашым супернікам у плэй-оф у першым раундзе. Ці па сілах вам ён, асабліва пасля сённяшняй гульні?
– У цэлым, гатовы гуляць з любым супернікам. Пакуль загадваць рана. Яшчэ невядома, хто ў выніку стане апанентам. Галоўнае – утрымацца ў зоне плэй-оф і рушыць вышэй па магчымасці.
– Хто, на твой погляд, самы нязручны супернік у гэтым сезоне?
– Усе супернікі роўныя, і з усімі можна згуляць на сваю карысць. Нават трэба. Канкурэнцыя высокая ў сезоне, таму кожны можа абгуляць кожнага, – сказаў Сацішвілі.
