Сэм Анас: «Фрагментамі сёе-тое атрымлівалася, але трэба паслядоўна гуляць па нашай сістэме»
Нападнік мінскага «Дынама» Сэм Анас падвёў вынікі паядынку супраць маскоўскага «Дынама» (1:4).
– Не гулялі ў наш хакей. Фрагментамі сёе-тое атрымлівалася, але трэба паслядоўна гуляць па нашай сістэме ўсе 60 хвілін.
Момант з голам. У нас атрымалася добрая змена, замацаваліся ў зоне. Для другога перыяду гэта важны момант, улічваючы размяшчэнне лавак. Саша Волкаў добра пазмагаўся. Я зрабіў перадачу на Дзіму Корабава і той закінуў.
Наступны матч у Піцеры супраць СКА. Усе ведаюць, што ў гэтай каманды добры падбор майстравітых хакеістаў. Нам трэба добра падрыхтавацца да таго матчу і якасна гуляць у свой хакей усе 60 хвілін матчу.
– Андрэй Стась вымушаны прапусціць гэты выезд. Як гэта адбіваецца?
– Гэта вялікая страта. Ён важны гулец, капітан. Яго не хапае. Кожны гулец павінен атрымаць з сябе максімум, прыносіць карысць камандзе. Трэба спраўляцца з любымі цяжкасцямі, – сказаў Анас.