Сяргей Стась: «Галоўнае, што «Гомель» ужо выйшаў у плэй-оф»
Галоўны трэнер «Гомеля» Сяргей Стась пракаментаваў паразу ад «Юнацтва» (3:4) у матчы Экстралігі.
– Вельмі дрэнна пачалі, адназначна прайгравалі ў руху. Другі перыяд быў нядрэнны, вярнуліся ў гульню. У трэцім дапусцілі памылкі, найдурнейшыя і незразумелыя выдаленні, будзем з гэтым разбірацца. Нашы гульцы не могуць сабе дазволіць такое вырабляць. А так... Характар праявілі.
– У гульню вы ўсё ж змаглі вярнуцца, чаго не хапіла да паўнавартаснага камбэка?
– Памылка, дрэнны пас.
– Ці маюць права так гуляць вашыя вопытныя хакеісты, як пры трэцім і чацвёртым галах?
– Не маюць права. Пасля гульні аб гэтым пагаварылі. Гэта для мяне па-за разуменнем. Хакей – камандны від спорту, а не індывідуальны. Трэба думаць пра сваіх партнёраў, заўзятараў, якія хвалююцца.
– Цяпер у трох каманд роўная колькасць ачкоў, што можаце сказаць па турнірнай сітуацыі?
– Галоўнае, што мы ўжо выйшлі ў плэй-оф. Мае значэнне толькі фінальны вынік. Калі восьмая каманда выб'е першую, ніхто не ўспомніць, хто лідыраваў у рэгулярным чэмпіянаце.
– Калі чакаць вяртанне Льва Камісарава?
– Ужо трэніруецца, катаецца, так што ў хуткім часе вернецца, – сказаў Стась.