Віктар Касцючонак: «Юнацтва» рыхтуецца да плэй-оф, ідзе крок за крокам, ступенька за ступенькай»
Галоўны трэнер «Юнацтва» Віктар Касцючонак падзяліўся эмоцыямі пасля перамогі над «Гомелем» (4:3) у матчы Экстралігі.
– Віншую каманду і заўзятараў з перамогай! Прыемна бачыць, калі нас падтрымліваюць і гоняць наперад. Хлопцы выдатна правялі першы перыяд, затым наступіла нейкая расслабленасць ці, хутчэй, страта канцэнтрацыі ў некаторых эпізодах. Далі суперніку глыток паветра, яны гэтым скарысталіся. Добра, што своечасова сабраліся, забілі патрэбныя галы, дацярпелі і перамаглі.
– Што адбылося з камандай у пачатку трэцяга перыяду, калі дазволілі суперніку вярнуцца ў матч?
– Індывідуальныя памылкі, недапрацоўка абароны і страта канцэнтрацыі.
– Атрымалася падцягнуцца да трэцяга месца, што скажаце па турнірнай сітуацыі?
– Мы туды асабліва не глядзім, рыхтуемся да плэй-оф, настройваемся на кожную гульню, як гаворыцца, ідзем крок за крокам, ступенька за ступенькай.
– Наступная гульня супраць «Металурга», складана будзе аднавіцца?
– Мы гэтаму надаем шмат увагі, у прыватнасці наш трэнер па фізпадрыхтоўцы над гэтым працуе. Медыцынскі штаб таксама ў справе. Хлопцы паспеюць аднавіцца.
– Ці плануецца ўзмацненне, заўтра дэдлайн?
– Заўтра і даведаемся. Спадзяемся, што будзе, – адказаў Касцючонак.
