ІІХФ адхіліла зборную Беларусі на сезон 2024/25
Міжнародная федэрацыя хакея (ІІХФ) адхіліла зборную Беларусі на сезон 2024/25.
Адзначым, што такім чынам зборная Беларусі прапусціць кваліфікацыйны турнір на АГ-2026.
«У ходзе аднаго з рэгулярных пасяджэнняў Савет ІІХФ разгледзеў бягучыя рызыкі бяспекі, звязаныя з рэінтэграцыяй нацыянальных і клубных зборных Расіі і Беларусі ў спаборніцтвы ІІХФ.
На аснове ўважлівага аналізу Савет ІІХФ прыйшоў да высновы, што вяртанне зборных Расіі і Беларусі назад у спаборніцтвы ІІХФ на дадзены момант небяспечна. Таму Расія і Беларусь не прымуць удзел у сезоне-2024/2025.
Гэта рашэнне таксама будзе распаўсюджвацца на зборную Беларусі ў дачыненні да фінальнага алімпійскага кваліфікацыйнага раўнда, які адбудзецца ў жніўні 2024 года», – гаворыцца ў заяве ІІХФ.
Нагадаем, што зборная Беларусі была адхіленая ад усіх турніраў пад эгідай ІІХФ вясной 2022 года.
Адзначым, што ў выпадку допуску да кваліфікацыі да АГ-2026 зборная Беларусі згуляла б у адной групе з Украінай.
