Беларускі галкіпер СКА Майсевіч: «Прыемна будзе згуляць супраць мінскага «Дынама». Яшчэ і з'ездзіць дадому, убачыць родных»
Беларускі варатар СКА Павел Майсевіч падвёў вынікі дамашняга матча КХЛ супраць «Тарпеда» (4:3).
– Вас замянілі пры ліку 1:3. Моцна перажывалі ў гэты момант?
– Зусім не перажываў з гэтай нагоды. Раман Барысавіч (Ратэнберг – галоўны трэнер СКА, заўв.) зрабіў правільна, што памяняў, раз выйгралі. Да мяне ніякіх пытанняў няма, сказаў, што нічога страшнага.
– Склалася ўражанне, што ў гэтых трох галах была больш не ваша віна, а менавіта абаронцаў?
– Памылкі трэба прыбіраць, вядома, але нічога страшнага ў гэтым няма. Кожны памыляецца. Будзем прыбіраць хібы і працаваць над гэтым.
– Сёння большую частку матчу ваша каманда супраціўлялася, каб не патрапіць у плэй-оф на «Дынама-Менск», але хутчэй за ўсё СКА ў матчах на выбыванне зноў прыедзе ў сталіцу Беларусі?
– Вядома, прыемна будзе згуляць супраць мінскага «Дынама». Яшчэ і з'ездзіць дадому, убачыць родных. Спадзяемся, так і будзе (усміхаецца), – сказаў Майсевіч.
