Сяргей Пушкоў: «Нарэшце мы можам выкарыстоўваць усіх нашых гульцоў, гэта вельмі дапаможа камандзе»
Галоўны трэнер «Брэста» Сяргей Пушкоў пракаментаваў перамогу над «Віцебскам» (2:0).
– Вельмі добры матч атрымаўся! Хоць і не было шмат закінутых шайб, але хакей атрымаўся відовішчным. Думаю, гледачы атрымалі вялікае задавальненне ад гульні абедзвюх каманд. Хуткасць, камбінацыі, дысцыпліна, выкананне трэнерскіх установак, адказная і надзейная гульня ў абароне – складнікі нашага сённяшняга поспеху! Крыху не атрымалася большасць, але ў меншасці згулялі выдатна.
Хачу падзякаваць нашым гледачам, якія прыходзяць нягледзячы на тое, што цяжка дастаць білет.
– Наколькі вяртанне Косава і Гаўруса дапамагло камандзе?
– Яны адназначна дадалі нам сіл і свежасці. Нарэшце мы можам выкарыстоўваць усіх нашых гульцоў, гэта вельмі дапаможа камандзе, – сказаў Пушкоў.
