Антонаў пра звальненне з мінскага «Дынама»: «Не магу ўсё расказаць, бо я не хачу пра некаторых людзей казаць праўду»

Экс-хакеіст зборнай Беларусі і падпісант за Лукашэнку Андрэй Антонаў успомніў сваё звальненне з менскага «Дынама» ў сувязі «з парушэннем распарадку дня».

– У канцы жніўня 2011 года з'яўляецца інфармацыя, што мінскае «Дынама» скасоўвае кантракт з табой і Сяргеем Шэлегам праз парушэнне дысцыпліны. Што гэта за парушэнне? Што там здарылася?

– Сказаць, што мы дысцыпліну парушылі, я б не сказаў. Мы былі на турніры ў Рызе, мы пайшлі ўвечары цэлай кампаніяй, не толькі з Шэлегам, на вячэру. Мы прыехалі да адбою роўна.

– Былі размовы, што не было парушэння, проста ўсе хацелі «зліць» з каманды.

– Шчыра, я не магу ўсё расказаць, бо я не хачу пра некаторых людзей казаць праўду. Гэта выставіць іх у вельмі дрэнным святле. У мяне быў трэці год кантракту. У Марэка [Сікоры] я гуляў стабільна. Часам бывала, што я ў яго ў першым-другім звяне, то магу наогул не пагуляць. Другі сезон у Мінску быў паспяховы, я па ўсіх паказчыках сярод абаронцаў стаў трэцім. Што па ачках, што па «плюс-мінус».

Пачалася перадсезонка, прыехалі тады славак – абаронца з «Спартака» [Яраслаў Обшут]. Сышла ў нас тройка Штумпел-Глазачаў-Спірыдонаў. Падхрадскі нібы тады таксама сыходзіў. Гэта значыць, прыйшлі іншыя гульцы. Адразу ў яго [Сікоры] я быў чацвёртае-пятае звяно. Не з першай гульні, а ўжо з першай трэніроўкі. Яны пачалі яшчэ хлопцаў уключаць: і Саня Кітараў тады прыйшоў, і Алег Гарошка, і Паўловіч Саня, і яшчэ маладыя прыходзілі. Можа быць, на той момант яны падумалі, што я... Мне было 26 гадоў, кантракт трэці сезон. Не сказаць, што кантракт быў вялікі, сярод беларусаў былі больш за мяне, але ён быў нармальны. Хлопцы прыходзілі маладзейшыя, і яны вырашылі на іх стаўку зрабіць. Не забывайце, калі нас звольнілі, адразу Вову Дзянісава падпісалі, а яму таксама трэба было грошы плаціць. А якія размовы былі, сказаць не магу, – сказаў Антонаў.

Нагадаем, што хакеіст выступаў за мінскае «Дынама» з 2008 па 2011 год.