Гендырэктар «СЮ» Башыраў: «Водпуск Кальцова раней не быў звязаны з нібыта завяршэннем супрацоўніцтва. Вырашаем пытанні з пахаваннем»
Генеральны дырэктар «Салавата Юлаева» Рынат Башыраў пракаментаваў смерць беларускага спецыяліста Канстанціна Кальцова.
– Вы можаце нешта дадаць да той інфармацыі пра сыход з жыцця Канстанціна Кальцова, якая была ўжо агучаная?
– Мы зараз вырашаем разам з сям'ёй пытанні, звязаныя з пахаваннем. Падрабязнасці мы не можам паведаміць, гэта пытанне сям'і.
Трэба сказаць, што Канстанцін Яўгенавіч прасіў крыху раней адпусціць яго пасля сезона, гэта была наша з ім звычайная практыка. Гэта не было звязана з тым, што мы нібыта завяршылі з ім супрацоўніцтва, – сказаў Башыраў.
Нагадаем, як даведалася «Трыбуна» ў амерыканскай паліцыі, экс-хакеіст зборнай Беларусі, падпісант ліста за Лукашэнку, бойфрэнд тэнісісткі Арыны Сабаленкі Кальцоў, знаходзячыся ў адным з гатэляў у прыгарадзе Маямі, у ноч з 17 на 18 сакавіка скочыў з балкона, што следства лічыць «відавочным самагубствам». Кальцову было 42 гады.
