Чэмпіёнам Польшчы па хакеі стаў клуб з беларусам. Чакалі тытула 20 гадоў – адсвяткавалі адпаведна
Тысячы фанатаў і 40 хвілін шчасця.
У вырашальным матчы фінальнай серыі чэмпіянату Польшчы па хакеі, які прайшоў 14 красавіка, ГКС з Катавіцы дома прайграла «Рэ-Пласт Уніі» з Асвенцыма ў аветайме – 0:1.
Беларускі абаронца Раман Дзюкаў, які выступае за каманду з Асвенцыма, спрычыніўся да важнай перамогі – хакеіст асіставаў на літоўца Марка Калейнікава.
Клуб з Асвенцыма стаў чэмпіёнам краіны дзявяты раз. Але з папярэдняга тытулу мінула 20 гадоў. Эмоцыі гульцоў каманды проста зашкальвалі.
За гістарычнай перамогай назіралі сотні заўзятараў – пасля гульні яны атрымалі сваё пераможнае сэлфі.
А затым некалькі тысяч фанатаў зладзілі шыкоўнае свята для сваіх улюбенцаў.
А для тых, у каго не атрымалася сустрэць пераможцаў, на фэйсбуку была арганізаваная трансляцыя. Паглядзець гэтыя 40 хвілін радасці можна тут.
Раман Дзюкаў атрымаў персанальныя віншаванні ад былога хакеіста Аляксандра Барадулі, які цяпер жыве ў ЗША.
Усяго ў плэй-оф Дзюкаў правёў 19 гульняў, набраў 4 (0+4) пункты і атрымаў 28 хвілін штрафу.
