Алімпійскі камітэт Расіі лічыць недапушчальным падпісанне расійскімі спартсменамі дэкларацый для допуску да міжнародных турніраў

Кіраўнік Алімпійскага камітэта Расіі Станіслаў Пазнякоў выступіў супраць таго, каб расійскія спартсмены падпісвалі дэкларацыі для допуску да міжнародных турніраў.

«Сёння правялі паседжанне выканкама Алімпійскага камітэта Расіі. Абмяняліся меркаваннямі з калегамі адносна нашых агульных актуальных задач.

Галоўная з іх – аднавіць справядлівасць. У тым ліку, не толькі вярнуць спартсменаў на міжнародныя арэны, але са сцягам, гімнам і астатнімі атрыбутамі каманды Расіі на Алімпійскія гульні.

Працягнем падтрымліваць тых нашых спартсменаў, якія незаконна і беспадстаўна абмежаваныя ва ўдзеле ў міжнародных стартах на працягу апошніх 15 месяцаў.

Удзельнікі пасяджэння выказалі адзіную пазіцыю пра недапушчальнасць падпісання расійскімі спартсменамі якіх-небудзь дэкларацый або іншых заяў палітычнага характару, якія супярэчаць заканадаўству РФ. Для нас гэта абсалютна непрымальна.

Будзем весці індывідуальную працу з нашымі спартыўнымі федэрацыямі пра недапушчальнасць прыняцця любых супярэчных алімпійскай хартыі прапановаў з боку міжнародных арганізацый», – напісаў Пазнякоў.

Нагадаем, расіянам і беларусам для ўдзелу ў міжнародных турнірах трэба падпісаць дэкларацыі, у якіх адзначаецца, што яны не падтрымліваюць вайну і не маюць сувязей з узброенымі сіламі.