Арына Сабаленка: «Калі б я магла, то спыніла б вайну. Адчуваю, што спорт не павінен быць у палітыцы»
Беларуска Арына Сабаленка напярэдадні матча з украінкай Мартай Касцюк падзялілася меркаваннем пра адносіны з украінскімі спартсменамі.
У першым крузе «Ралан Гарос» Сабаленка сустрэнецца з украінкай Мартай Касцюк.
Нагадаем, з 24 лютага 2022 года Расея працягвае вайну ва Украіне з выкарыстаннем тэрыторыі Беларусі.
– Калі б я магла, я спыніла б вайну.
Думаю, што калі яны [украінскія спарсмены] будуць паціскаць рукі рускім і беларусам, то яны атрымаюць так шмат паведамленняў ад заўзятараў са сваёй краіны.
Таму я нібыта разумею, чаму яны гэтага не робяць. У той самы час я адчуваю, што спорт не павінен быць у палітыцы. Мы проста спартсмены. Калі ім добра без поціскаў рукі, я задаволеная, – сказала Сабаленка.
Нагадаем, што раней Касцюк неаднаразова адмаўлялася паціскаць руку беларускім спартсменкам, а таксама выказвалася пра Арыну Сабаленку і яе пазіцыю.
