Антон Дуброў: «На кортах абмяркоўваем тое, як Сабаленка цудоўная. А потым ужо ўсё астатняе»

– TikTok-зорка – гэта Арына. Былі старыя відэа, калі мы яшчэ ўтрох ездзілі – я, Арына, Джэйсан. Мы і ў Мадрыдзе танчылі пасля яе першага там тытула ў 2021-м – не памятаю, там накшталт быў дзень танца. Я не асабліва [сяджу] у гэтай сацыяльнай сетцы, таму мяне больш ініцыятыва Арыны туды зазывае. Гэта быў наш першы дзень у Аўстраліі, і Арына вырашыла паўтарыць ужо традыцыю – раз і ў 2022-м станцавалі. Прыйшлося.

У камандзе мы стараемся прытрымлівацца добрага, пазітыўнага мыслення, каб разумець, што такая падтрымка ёсць. Праца – працай, велізарны ціск і так прысутнічае, але пры гэтым нейкі баланс, дзе гэта дарэчы, важны.

Дзякуючы таму, што ёсць давер, мы з Джэйсанам можам падысці адзін да аднаго і сказаць: «Слухай, мы тут, давай без жартаў. На гэты час у нас канкрэтная мэта, мы працуем». Пасля – перапынак: пайшлі расслабіліся, выказаліся, насмяяліся. І зноўку. Нам пашанцавала. Усе ў камандзе добрыя, лёгкія на ўздым, пазітыўныя. У нас тугія не затрымліваюцца.

Пра што размаўляе каманда гэтыя два тыдні? Не размаўляе. На кортах, безумоўна, аб нечым размаўляем. Абмяркоўваем тое, як Арына прыгожая. А потым ужо ўсё астатняе. У гатэлі ці дзесьці яшчэ імкнемся крыху больш за даваць прасторы адзін аднаму – ніхто не імкнецца ўсё рабіць разам. Я максімальна хачу быць крыху збоку; калі не трэба знаходзіцца побач, то сыходжу.

Ты і так з чалавекам больш, чым з сям'ёй. Табе не трэба быць увесь дзень побач. Калі чакаем трэніроўку, можам у карты пагуляць, паглядзець, схадзіць куды-небудзь, нешта абмеркаваць, – сказаў Дуброў.