Бадоса пра матч з Сабаленкай пасля смерці Кальцова: «Мы моцныя жанчыны і ведалі, як адключыць эмоцыі на гэтыя паўтары гадзіны»
Паўла Бадоса выказалася пра матч супраць Арыны Сабаленкі ў другім крузе ў Маямі.
Сабаленка правяла першы матч пасля смерці свайго былога хлопца Канстанціна Кальцова, з якім яна сустракалася з 2020 года. Яна выйграла 6:4, 6:3.
– Наколькі асаблівым быў матч супраць адной з вашых лепшых сябровак з улікам сітуацыі?
– Я б не назвала яго «асаблівым», таму што было некамфортна гуляць супраць лепшай сяброўкі ў такой сітуацыі.
Усё ж я хачу пагаварыць пра сябе. Тры тыдні таму я не ведала, ці змагу тут згуляць. Я была на радзіме, не ведала, што рабіць са спіной, якая моцна балела.
Вярнуцца сюды і згуляць для мяне ўжо перамога.
– Як вы ацэньваеце свой узровень гульні супраць Арыны?
– Мне здаецца, усё было нармальна. Упершыню амаль за год я гуляла восем дзён запар. Я вельмі задаволеная, таму што не змагла згуляць у Індыян-Уэлс. Там я пачала трэніравацца. Я вельмі радая, што вяртаюся і гуляю матчы на высокім узроўні.
Мне здаецца, я не так ужо дрэнна выступіла. Магчыма, не ўдаліся нейкія дробязі. І яна вельмі добра згуляла. Трэба аддаць ёй належнае з улікам за ўсё, праз што яна прайшла. Віншую яе.
– Вы ўжо казалі, што вам было некамфортна гуляць гэты матч. Наколькі вам абедзвюм было складана трымаць эмоцыі пад кантролем і думаць пра тэніс?
– Мы абедзве моцныя псіхалагічна. Мы моцныя жанчыны. Яна гэта даказала. Я гэта даказала. Мы ведалі, як адключыцца на гэтыя паўтары-дзве гадзіны.
Яна вельмі добра гуляла. Я вельмі добра гуляла для маёй сітуацыі. Мы згулялі на годным узроўні. Усё таму, што мы ведаем, што праз шмат што прайшлі ў жыцці, мы моцныя жанчыны і ведаем, як у такі момант адгарадзіцца ад эмоцый.
– Улічваючы ваша сяброўства, вы здзівіліся яе самавалоданню? Як вы думаеце, ці зможа яна захоўваць яго на працягу ўсяго турніра?
– Не, я зусім не здзівілася. Як я ўжо сказала, яна вельмі, вельмі моцная жанчына, моцная асоба. Гэта бачна на корце. Тым больш я ведаю яе па-за кортам. Мяне гэта зусім не дзівіць.
Я ведала, што яна будзе гуляць вельмі добра ці на звычайным узроўні. Я сказала ёй, што жадаю ёй усяго самага лепшага. Паглядзім, ці зможа яна далёка прайсці гэтым турніры, – сказала Бадоса