Boxing Day! Дзень падарункаў, у тым ліку і для аматараў футболу.
Што такое Дзень падарункаў?
Ён заўсёды прыпадае на 26 снежня кожны год, а што тычыцца гісторыі Дня падарункаў, у Вялікабрытаніі ён з'яўляецца нацыянальным святам з 1871 года.
Кажуць, што ў віктарыянскую эпоху каробкі з каляднымі падарункамі раздавалі супрацоўнікам ад іх працадаўцаў, калі яны дзякавалі за працу на працягу года. Ім таксама давалі выхадны, бо на Каляды яны працавалі.
З 1958 года Дзень падарункаў стаў галоўным святочным днём, у які гуляюць у футбол ва ўсіх лігах Вялікабрытаніі.
У Вялікабрытаніі гульні адбываюцца на ўсіх узроўнях футбола, і Boxing Day з'яўляецца сінонімам футбола.
Прасцей кажучы, гэта дзень, калі сем'і збіраюцца разам, хадзяць на гульні, заўзеюць за свае каманды і падаўжаюць святочны сезон. Сёння Каляды, частка II, так бы мовіць.
Адсочым футбольны лічыльнік у "Дзень падарункаў".
У першы год футбольнай лігі ў 1888 годзе Дэрбі Каўнці гуляла з Болтан Уондэрэрс, а Вест Бромавік прымаў Прэстан Норт Энд у "Дзень падарункаў". Па дадзеных Асацыяцыі футбольных статыстыкаў, у "Дзень падарункаў" было згуляна 3730 матчаў у Англійскай футбольнай лізе.
Вест Бромавік згуляў найбольшую колькасць матчаў "Boxing Day" у гісторыі лігі, згуляўшы 105 гульняў з рэкордам 44 перамогі - 39 паражэнняў -22 нічыі. Манчэстар Юнайтэд набраў найбольшую колькасць пунктаў у "Дзень падарункаў": 171 пункт са статыстыкай: 51перамога - 27паражэнняў - 18 нічыіх за 96 матчаў на "Дзень падарункаў".
Гульцом з найбольшай колькасцю галоў, забітых на Boxing Day у гісторыі Прэм'ер-лігі, з'яўляецца Робі Фаўлер з дзевяццю, а за ім Гары Кейн - восем.
Самым выніковым матчам Boxing Day у гісторыі Прэм'ер-лігі была нічыя 4-4 паміж Чэлсі і Астан Вілай у 2007 годзе.
1963 год, найлепшы ў гісторыі "Boxing day": 66 галоў!
Гэта па-за межамі Прэм'ер-лігі, але гэта быў вышэйшы дывізіён англійскага футболу і вельмі заўважная частка футбольнай спадчыны.
У той год у сумцы Санта-Клаўса не было месца для галоў, і ў той дзень у Прэм'ер-лізе ён забіў 66 галоў у дзесяці гульнях.
У сярэднім 6,6 галоў за гульню, што не было перавышана да гэтага часу. Вы толькі засяродзьцеся на гэтых лічбах, там прыстойна выглядаюць нічыя 3:3 і Сухія перамогі 3:0 і 2:0, усё астатняе нагадвае калядны цуд. Гэта было сапраўднае свята для футбольных аматараў, хто ведае, магчыма нас чакае штосьці падобнае і ў 2022.
Як мы падыходзім да Boxing Day напрыканцы 2022?
Спачатку зазірнем у верхную частку турнірнай табліцы.
У першую чаргу ўзгадаем неверагодны Арсенал. Арсенал лідзіруе пасля выдатных першых 14 гульняў кампаніі. Яны набралі 37 пунктаў, страціўшы іх толькі ў двух матчах - іх адзінае паражэнне адбылося ад Манчэстэр Юнайтэд у пачатку верасня.
Пасля іх лепшага старту ў Прэм'ер-лізе гэта першы раз, калі яны будуць ачольваць табліцу на Каляды з сезона 2007-08.
Усе сем каманд, якія выйгралі 12 з першых 14 гульняў, сталі чэмпіёнамі Прэм'ер-лігі.
Яшчэ адна добрая прыкмета для кананіраў - каманда, якая ўзначаліла табліцу на Каляды, была чэмпіёнам у 10 з апошніх 13 сезонаў. У сваёй першай гульні яны сустрэнуцца з Вест Хэмам на стадыёне "Эмірэйтс".
У сувязі з тым, што Манчэстэр Сіці, які заняў другое месца, не згуляе да 28 снежня - у Лідсе - перамога "кананіраў" аддаліць іх на восем пунктаў ад чэмпіёнаў. Гэта можа стаць дадатковым ціскам на каманду Гвардыёлы.
Ньюкасл - нечаканы прэтэндэнт у верхняй частцы табліцы - сустрэнецца з Лестэрам 26 снежня і захоча працягнуць з таго месца, дзе спыніўся. Шостая перамога запар падняла б іх вышэй за "МанСіці" і яны б занялі другое месца.
Тотэнхэм перамог Лідс да перапынку, але прайграў тры з папярэдніх чатырох. Яны адкрываюць "дзень падарункаў" у панядзелак выязной гульнёй з Брэнтфардам (15:30 па Менску).
МЮ развітаўся з Крышціяну Раналду, пасля скандальнага інтэрв'ю футбаліста. Уладальнікі клуба - ўсё ж вырашылі прадаць клуб. МЮ ўсё яшчэ выглядае непрадказальна, яны згуляюць у аўторак супраць Нотынгем Форэст.
Ліверпуль прааліў першую частку кампаніі, каманда мае перапоўнены лазарэт, але яны адшукалі ў сабе сілы, каб трымацца ля межаў топ-4. Для Клопа стаіць вельмі сур'ёзны выклік, каб патрапіць у топ-4. А едуць яны ў госці да Астан Вілы, якая загуляла лепей пры Эмеры.
Брайтан шукае вынікі пры Дэ Дзэрбі, гуляюць "кірлі" не дрэнна, але набіраць пункты, як пры Потэры, у іх пакуль не выходзіць.
"Чэлсі" Грэма Потэра не выйграваў у пяці гульнях Прэм'ер-лігі і правёў перапынак на ЧС на восьмым месцы.
Цяпер ніжэйшая частка турнірнай табліцы.
Барацьба за выжыванне ў гэтым сезоне можа быць вельмі зацятай. Усяго дзевяць ачкоў падзяляюць 12 апошніх каманд у дывізіёне, а «Ваўкі» грукаюць з самых нізін аб тым, што ў іх новы галоўны трэнер - Лапетэгі.
Толькі шэсць каманд калі-небудзь былі на самым дне турнірнай табліцы на Каляды і заставаліся ў ПЛ - прычым палова з іх у першых трох кампаніях Прэм'ер-лігі, - але "Ваўкі" будуць імкнуцца пераадолець гэтую тэндэнцыю з новым чалавекам у руля. Хулен Лапетэгі ўзначаліў каманду 14 лістапада і ўжо нацэлены на сур'ёзныя паляпшэнні, у тым ліку ў сваёй камандзе, іспанец хоча падпісаць шэсць новых гульцоў, калі трансфернае вакно адкрыецца 1 студзеня.
Незадоўга да перапынку Саўтгэмптан таксама змяніў трэнера: Нэйтан Джонс прыбыў з Лутана, каб замяніць звольненага Ральфа Хазенхютля на «Сэнт-Мэры». "Святыя" прайгралі апошнія тры гульні і займаюць 19-е месца.
Напэўна, дзіўна бачыць, што больш ніводнага клуба не вырашаецца ўнесці змены, паколькі чэмпіянат свету фактычна забяспечвае міні-перадсезон у сярэдзіне кампаніі.
Эвертан застаўся з мэнэджэра Фрэнкам Лэмпардам, нягледзячы на тое, што ён займае 17-е месца пасля двух паражэнняў запар, а Дэвід Мойес застаецца босам Вест Хэма, нават нягледзячы на тое, што яны прайгралі тры апошнія гульні і знаходзяцца толькі на ачко вышэй за тройку апошніх.
Усіх з Калядамі!
