Трэнер «Прыбужжа» Мелянюк: «Пакуль сказаць канкрэтна, што мы можам супрацьпаставіць «Мінчанцы», складана»
Галоўны трэнер «Прыбужжа» Наталля Мелянюк пракаментавала будучы фінал Кубка Беларусі супраць «Мінчанкі».
– Каманда і трэнерскі штаб заўсёды гатовыя змагацца. Мы заўсёды выходзім з адной задачай – перамагчы.
– Ці можаце прыадчыніць сакрэт, якая ў вас сёння тактыка? Што будзеце супрацьпастаўляць «Мінчанцы»?
– Калі шчыра, пакуль сказаць канкрэтна, што мы можам супрацьпаставіць, складана. Валейбол – камандная гульня, а склад у нас дастаткова моцна абнавіўся. Нашы моцныя бакі – абарона і падача. З блокам пакуль трошкі складана.
– У якой форме знаходзіцца ваш знакаміты капітан, легенда беларускага валейбола Аксана Кавальчук? Ці ўбачым мы яе на пляцоўцы?
– Яна знаходзіцца ў выдатнай форме, трымае сябе і абавязкова будзе гуляць.
– Як думаеце, колькі партый пабачым?
– Не люблю гаварыць загадзя. Будзем старацца выкладвацца па максімуму, – сказала Мелянюк.