🙃 Раналду ізноў трыгернула на скандаванне фанатаў аб Месі – дагуляўся да расследавання жэсту
Паказаў усё, што думае.
Для Крышціяну Раналду, які, здавалася, з'ехаў у Саудаўскую Аравію далей ад ціску прэсы і залішняй увагі заўзятараў, усё роўна няма спакою.
На гэты раз 39-гадовы партугалец «адарваўся» на заўзятарах «Аль-Шабаба» у матчы чэмпіянату (3:2), што можа прывесці да пакарання.
Раналду ў чарговы раз павёўся на скандаванне аб Месі – паказаў жэст фанам суперніка
◾️ Інцыдэнт адбыўся пасля матчу, хаця гэтаму папярэднічалі падзеі ў выязной гульні. Для «Аль-Насра» сустрэча выдалася складанай – «Аль-Шабаб» двойчы аднаўляў раўнавагу, а гледачы на стадыёне спрабавалі вывесці на эмоцыі гасцей.
У выпадку з Раналду атрымалася простым спосабам – скандаваннямі ў гонар Ліянэля Месі. Пасля пераможнага гола Андэрсана Таліскі на 86-й хвіліне Крышцiяну пабег спачатку да трыбун, паказваючы непрыстойны жэст, а затым да партнёра.
Гэтым усё не скончылася – пасля фінальнага свістка форвард дэманстратыўна паказваў заўзятарам на вуха, маўляў, «не чую вас», а затым завяршыў акт яшчэ адным жэстам.
Абодва моманты – на відэа ніжэй:
◾️ У саудаўскай прэсе паведамілі, што «Аль-Шабаб» падаў скаргу на паводзіны Раналду. За справу ўзяўся дысцыплінарны камітэт лігі. Цікава, што ў тэлетрансляцыю эпізод не патрапіў – разглядаецца відэа, што было знятае з трыбун.
«Аль-Наср» ад афіцыйных каментароў устрымаўся, а вось мясцовы тэлевядоўца Валід Аль Фарадж заклікаў камісію быць справядлівай:
💬 «Дысцыплінарная камісія сутыкаецца з найвялікшым выпрабаваннем. Мы пачакаем і ўбачым. Усяму ёсць свае межы, незалежна ад таго, наколькі ты вядомы. Вось як павінна быць у вышэйшай лізе».
Раналду і раней меў праблемы з саудаўскімі фанамі – выціраўся футболкай «Аль-Хілаля», хапаўся за пах
Серыя падобных падзей з удзелам Крышціяна цягнецца з красавіка мінулага года. У зваротнай храналогіі:
◾️ 9 лютага. Падчас таварыскага матча з «Аль-Хілалем» фаны скандавалі прозвішча Месі. Раналду падчас гульні адказаў жэстам і словамі «Тут я, а не Месі»:
А пасля фінальнага свістка на шляху ў распранальню выцерся футболкай «Аль-Хілаля», якую яму кінулі:
◾️ 1 снежня. Ідэнтычная сітуацыя з заўзятараў «Аль-Хілаля» адбылася ў канцы 2023-га – тады партугалец адрэагаваў больш стрымана, адправіўшы паветраны пацалунак:
◾️ 30 кастрычніка. Уласна, больш спакойным Крыш быў і за месяц да таго – проста жэстам папрасіў замаўчаць прыхільнікаў «Аль-Ітыфака»:
◾️ 19 красавіка. Першы сур'ёзны зрыў Раналду ў Саудаўскай Аравіі – зноў «Аль-Хілаль», зноў Месі. Партугалец ухапіўся за пахвіну. Тады адзін з юрыстаў нават дамагаўся дэпартацыі:
Раналду прывык адказваць жэстамі ў Еўропе – у Азіі можна атрымаць пакаранне за больш простыя рэчы
Для КрыРа гэта далёка не новы стыль паводзін. Узгадайце хаця б імітацыю Дыега Сімеоне пасля фактычна сольнага камбэка супраць «Атлетыка» ў 1/8 фіналу Лігі чэмпіёнаў за «Ювентус»:
Або адказ фанам «Лацыа» ў Суперкубку Італіі 2019-га, які скончыўся для турынцаў паразай:
У Азіі гульца хацелі караць за, здавалася, цалкам звыклыя рэчы:
◾️ Увосень футбаліст у Іране абняў мастачку, якая падарыла яму карціну. Па мясцовых законах гэта магло быць расцэнена як здрада ў шлюбе, пакаранне – 99 удараў пугай.
◾️ Аднойчы Крышцiяну перахрысціўся перад традыцыйным SIU пры святкаванні гола, а публічнае выкарыстанне любых жэстаў і сімвалаў хрысціянства строга забаронена ў Саудаўскай Аравіі.
З улікам статуса партугальца усё, вядома, абышлося. Напэўна, так будзе і зараз.
Фота: «Аль-Наср»