Сабаленка ўмее здзiвiць – цяпер наклала заклiк «сесцi на член» на свае практыкаваннi
Упс.
Тэнісны сезон скончыўся, але другая ракетка свету Арына Сабаленка працягвае нагадваць пра сябе. Днямі беларуская тэнісістка выклала відэа з трэнажорнай залы, дзе робіць розныя практыкаванні пад рытмічны трэк Montagem Coral бразільскага дыджэя Holanda.
У гэтаго трэка больш за 6 мільёнаў праглядаў за тры месяцы на YouTube, больш за 1 мільён выкарыстанняў у Instagram i амаль 10 мільёнаў праслухоўванняў на Spotify – вiральны выбар Сабаленка зразумела. Аднак спартсменка яўна не пераклала для сябе тэкст песнi – а там змяшчаюцца такія радкі: «Ты ў руху і трымаеш марыхуану, ты збіраешся быць непаслухмянай дзяўчынкай. Ідзі да мяне на член, непаслухмяная, бессаромная, сядай на член, ссунутая наконт марыхуаны», «Сядай, падскоквай, завісні на кончыку члена і не спыняйся».
Відэа Сабаленкі з гэтай музыкай выклікала бурную рэакцыю сярод тых, хто разумее тэкст песні. Адны карыстачы парэкамандавалі Арыне тэрмінова паглядзець пераклад гэтай песні.
«Саба, шыкоўная трэніроўка, але правер тэкст»
Іншыя прызвалi проста змянiць песню, якую крытыкавалi.
«Арына, калі ласка, змяні гэтую музыку. Словы песні занадта дрэнныя... Ты не захочаш ведаць, што яны значаць. Гэта ганьба…»
«Я ня думаю, што ты ведаеш, пра што песня. Гэта жудасна».
Але нехта лічыць, што гэта добрая правакацыя.
«Музыка з Бразіліі. Не самая прыдатная для сітуацыі, але выклікала рэакцыю бразільскіх фанатаў. Наперад, Сабаленка! Вечны нумар адзін!»
У беларускiм сегменце Х-Twitter таксама не прайшлi мiма сiтуацыi.
Гэта далёка не першы раз, калі Сабаленка робiць штосьцi вельмi няёмкае, але з прызнаннем сваiх памылак у яе назiралiся праблемы.
