Корзун пра сыход з «Шахцёра»: «У матчы Кубка налічыў 97 гледачоў – зразумеў, што трэба імкнуцца з’ехаць»
Беларускі паўабаронца «Ялімая» Мікіта Корзун распавёў аб прычынах сыходу з «Шахцёра».
– Калі ты для сябе вырашыў, што будзеш раставацца з «Шахцёрам»? Адразу, увесну?
– Мусіць, калі з’ездзіў на кубкавую гульню з «Маладзечна» («Шахцёр» не гуляў з «Маладзечна» у сезоне-2023 – Tribuna.com). Сядзеў тады на замене, глядзеў на трыбуны. Палічыў: 97 чалавек. Зразумеў, што гэта край, трэба нешта рабіць...
– Сядзеў на лаўцы і лічыў гледачоў?
– Ну так, а чым там яшчэ займацца… Добра памятаю момант: на гэтым месцы зразумеў, што трэба старацца некуды з'ехаць. Калі, вядома, будзе такая магчымасць. Зразумела, што шмат магчымасьцяў у нас няма.
– Прычыны – рэгрэс чэмпіянату або яшчэ «шахцёрскія»?
– Ўсе разам. Цяжка, калі не аб футболе думаеш. Ужо паўсезона прайшло, а табе ўсё яшчэ не да футбола. Гэта накладвае адбітак. Хацелася ўжо крыху расслабіцца і пра гульню думаць, а не пра штрафы і пракуратуры, – сказаў Корзун.
Нагадаем, 11 траўня КДК АБФФ разгледзеў інфармацыю, што ў ЧБ-2022 кіраўніцтва «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы. Падрабязней пра справу «Шахцёра» можна даведацца па спасылцы ніжэй.
