Памылка дыктара справакавала фанацкі хаос на стадыёне ў Нідэрландах

У другім дывізіёне Нідэрландаў адбылася камічная сітуацыя. Пятнічны матч заўзятары «Роды» запомняць на ўсё жыццё. І не таму, што любімы клуб атрымаў упэўненую хатнюю перамогу над «Камбюрам» і наблізіўся да выхаду ў элітны нідэрландскі дывізіён, а праз памылку дыктара, які зладзіў занадта ранняе святкаванне.

На два прахадныя месцы прэтэндуюць адразу тры каманды: «Вільем II», «Рода» і «Гронінген». «Вільем II» амаль гарантавана будзе ў вышэйшай лізе Нідэрландаў у наступным сезоне. А вось паміж «Родай» і «Гронінгенам» барацьба наўрад ці скончыцца да апошняга тура.

«Рода» пасля хатняй перамогі чакала выніку гульні «Гронінгена», які на выездзе гуляў з «Тэлстар». Гаспадары выйшлі наперад ужо на першай хвіліне, і яны амаль падарылі «Родзе» прамую пуцёўку ў Эрэдывізі. Дыктар падумаў, што матч скончыўся, і абвясціў пра гэта заўзятарам, якія чакалі выніковы лік паралельнага матчу.

Паглядзіце на гэты хаос.

На стадыёне выліліся эмоцыі. Усе заўзятары пачалі выбягаць на поле і святкаваць павышэнне ў класе разам з гульцамі і трэнерскім штабам. Але ўсе яны паспяшаліся (асабліва дыктар). «Гронінген» гераічна выратаваўся на 95-й хвіліне дзякуючы голу ван Бергена. Тым самым «Гронінген» яшчэ пакідае шанцы апусціць «Роду» ў зону пераходных матчаў. А дыктар на стадыёне заблытаў фанаў яшчэ больш, абвясціўшы, што «Тэлстар» забіў другі раз.

Паміж гэтымі двума камандамі ўсё вырашыцца ў заключным туры. 10 траўня «Гронінген» у сябе дома будзе гуляць супраць «Роды». Сёння ў табліцы бела-зялёныя саступаюць тры ачкі сваім бліжэйшым праследавацелям. «Гронінген» задаволіць толькі перамога, інакш – стыкавыя матчы.

«Рода» не ўдзельнічала ў Эрэдывізі з 2014 года, таму іх заўзятарам можна дараваць празмерную даверлівасць, а дыктару - празмерны аптымізм.

Відэа: ESPN