Якія людзі ў Барывудзе. Ды Капрыа выканае ролю Радзівонава, Том Круз – Капскага

Годных фільмаў пра футбол можна пералічыць па пальцах адной рукі, а пра беларускі футбол пагатоў. Думаю, многія чулі і паспелі ацаніць міні-фільм пра цяперашні сезон БАТЭ. Лепшыя моманты сезону, каментары гульцоў і трэнерскага штабу — ўсё гэта выдатна, фанаты клуба гэта ацанілі… і не больш. Фільм прайшоўся па байнэце і ўсё, я ж вырашыў праславіць БАТЭ на ўвесь свет.

Сезон для БАТЭ выдаўся сапраўды добрым. Тут вам і баталіі ў чэмпіянаце з менскім «Дынама», і сеча з супернікамі ў кваліфікацыйным і групавой стадыях Лігі чэмпіёнаў. Гэты сезон заслужана ўвайшоў у гісторыю клуба, мог увайсці ў гісторыю Лігі чэмпіёнаў, і можа мець месца ў гісторыі кінематаграфіі. Мы здымем фільм без блэкджэку і куртызанак, аднак збярэм гледачоў кінатэатраў свету больш за «Зорныя войны», «Аватары» і іншыя мегаблакбастэры.

«Як ты збіраешся прыцягнуць увагу гледачоў?» — спытаеце вы. Заручыцца падтрымкай дзяржавы, іншапланетнымі краінамі, і збярэм усе сліўкі Галівуду. Супраць такой формулы ніхто не зможа супрацьстаяць.

На ролю Сяргея Чэрніка возьмем Джэйсана Стэтхэма. Тут вам і знешнія падабенства, і той факт, што ў Стэтхэма ёсць вопыт гульні брамніка ў фільме «Mean Machine». Самая складаная задача для Джэйсана згуляць ціхага і ўраўнаважанага чалавека. Тут не трэба будзе нікога не забіваць і збіваць, аднак даць па карку абароне забараняць ніхто не будзе. Увогуле, гэтая роля стане выклікам для галівудскага акцёра, якую ён дакладна прыме.

Мілунавіча згуляе Расэл Кроў. Гладыятар згуляе адну з важных роляў. Спакойнага, упэўненага ў сабе серба з лёгкасцю згуляе Кроў. Таксама, выдатная фізічная падрыхтоўка акцёра дапаможа без ужывання розных спецэфектаў паўтарыць гол у вароты «Баера».

На ролю Младэнавіча прымем Эдварда Нортана. Гэтая роля будзе падобнай, з роляй у «Байцоўскім клубе». Тут трэба будзе згуляць хуткага, юркого серба, які замест таго, каб біцца на ўмоўным рынзе, будзе біцца на футбольным полі.

Мэт Дэйман згуляе Палякова…

…а Тыль Швайгер Дубру.

Яблонскага згуляе Рэдкліф. Гэта стане вельмі адказнай роляй для ангельца, якую, як я мяркую, ён зможа паспяхова перажыць і перадаць гледачу. І пасля гэтага фільма ніхто не будзе асацыяваць Дэніяла не з хлопчыкам з Цісавай вуліцы, а хлопцам з БАТЭ.

Глеба зможа згуляць Крысціян Бэйл. Лепш за Бэйла ніхто не зможа перадаць нашу суперзорку на экран. Усе ведаюць, як Крысціян любіць эксперыментаваць над сваім целам (ролі ў «Машыніст» і «Баец») і згуляць хударлявага вінгера, які замест таго, каб прабіць дасць дакладный пас, у галівудскай зоркі дакладна атрымаецца.

Адну з ключавых роляў даверым Тобі Магуайру. Чалавек-павук згуляе Мішу Гардзейчука.

За ролю Радзівонава біцца будуць дзясяткі суперзорак, сярод якіх, вядома ж, будзе Ды Капрыа. Леанарда вырве сцэнар з рук і пабяжыць завучваць рэплікі беларускага прафесара, бо актор разумее, што за такую ролю статуэтка дакладна прыйдзе да яго.

Хоць Ліхтаровіч не згуляў аніводнага матчу еўракубкаў, але капітана нельга выкідаць з фільма. Нашага Дзеда згуляе Хросны Бацька. Аль Пачына бліскуча падыдзе на ролю Дзмітрыя.

Шон Бін з радасцю пагадзіцца згуляць ролю нашага коўча. Тут не трэба будзе яго герою паміраць, ды і рэплікі ўжо знаёмыя: замест «Зіма хутка», Ермаковіч на працягу сезона будзе нагадваць гульцам «Ліга чэмпіёнаў хутка!».

Вы здзівіцеся, але лепш за ўсё Капскага згуляе Том Круз. Ролю часам жорсткага і харызматычнага ўладальніка футбольнага клуба падобная з роляй у фільме «Салдаты няўдачы». Тут Том таксама адарвецца па поўнай: рваць і кідаць у распранальні клуба, і ганяць нахабных журналістаў.

А Бонд даверым згуляць пышнагубой Анджэліне Джалі.

Крыху грыму і пры патрэбе камп’ютэрнай графікі зробім нашых акцёраў максімальна падобным да гульцоў. На ролю астатніх гульцоў прапануйце свае варыянты, пост рэжысёра і іншыя месцы здымачнай групы таксама вольныя.

Кароткі пераказ сюжэту. Фільм будзе распавядаць пра еўракубкавы шлях БАТЭ ў сезоне 2015. Гісторыя будзе распавядаць пра невялікую (у параўнанні з топ-клубамі) каманду, але з вялікім сэрцам. І як у любым фільме заснаваным на рэальных падзеях, будзе і доля фантастыкі. Мы будзем бачыць, як клуб прафесійна расце, убачым ўзаемаадносіны гульцоў як па-за полем, так і падчас матчу, перажывем апошнія хвіліны матчу ў Белградзе, адчуем перажыванне Ды Капрыа, з-за атрыманай траўмы, ўбачым радасць Том Круза пасля матчу з «Ромай» і іншыя гістарычныя моманты. Галоўным адрэзкам фільма стане гульня ў Рыме. Тут акцёры зробяць усё магчымае, каб перадаць сапраўдныя эмоцыі гульцоў і трэнера.

Стрэл на далёкую штангу, Тобі Магуайр замыкае яго… Мы бачым, як з Джалі павольна спаўзае вячэрняя сукенка… Заслона. Публіка стоячы пляскае ў ладкі. 

Вядома, сцэнарый не дапрацаваны, для гэтага мы знойдзем выдатнага сцэнарыста :)

Гэтым артыкулам, спадзяюся, мне ўдалося падняць вам настрой і даць палёт вашай фантазіі. Таму пішыце свае варыянты тых падзей беларускага спорту, якія трэба ўвекавечыць у беларускай кінематаграфіі, і магчыма Дзед Мароз пачуе нас :) Усіх з надыходзячымі святамі!