Прэзідэнт FINA: «Рашэнне, якое тычыцца ўдзелу расіян і беларусаў на наступнай Алімпіядзе, будзе прымаць уся алімпійская сям'я, але пакуль яно не прынятае»

Прэзідэнт FINA Хусейн Аль-Мусаллам заявіў, што санкцыі супраць Расіі і Беларусі застаюцца ў сіле, паколькі Федэрацыя плавання Украіны заклікала дыскваліфікаваць спартсменаў з дзвюх краін да канца вайны.

Ён сказаў членам Надзвычайнага генеральнага кангрэса Міжнароднай федэрацыі плавання, што рашэнне аб магчымым вяртанні расійскіх і беларускіх спартсменаў у міжнародныя спаборніцтвы будзе прымацца «ўсёй алімпійскай сям'ёй», але не «ў гэты момант».

Аль-Мусаллам сказаў, што санкцыі супраць Расіі і Беларусі будуць дзейнічаць, а рашэнне аб магчымым вяртанні спартсменаў яшчэ не прынята.

«На дадзены момант няма рашэння аб удзеле расійскіх спартоўцаў.

Ёсць даследаванні ў адпаведнасці з рэзалюцыяй Арганізацыі Абʼяднаных Нацый аб тым, што спорт павінен быць нейтральным і ім павінны кіраваць людзі, якія займаюцца спортам.

Што тычыцца ўдзелу расійскіх і беларускіх спартоўцаў у наступных Алімпійскіх гульнях, то гэта будзе вырашаць уся алімпійская сямʼя, але пакуль рашэнне яшчэ не прынятае», – сказаў Аль-Мусаллам.

⚽️ Чэмпіянат свету-2022 па-беларуску і без VPN! Пампуй дадатак Tribuna.com