Старшыня «Мінска» Шакола: «Адзіная Ліга-ВТБ – гэта адзін з наймацнейшых чэмпіянатаў Еўропы. Нам там вельмі складана»
Старшыня «Мінска» Юрый Шакола падзяліўся меркаваннем пра выступленне каманды ў Лізе ВТБ.
Нагадаем, у Лізе ВТБ каманда атрымала толькі тры перамогі. Акрамя таго, «Мінск» 15-ы раз запар выйграў чэмпіянат Беларусі.
«Нам у Адзінай Лізе-ВТБ складана, нават вельмі складана. Але мы ўсё ж імкнёмся максімальна выкарыстоўваць у галоўнай камандзе рэсурс менавіта свайго клуба, даем магчымасць выхаванцам клуба праяўляць сябе на такім высокім узроўні. Бо Адзіная Ліга-ВТБ – гэта адзін з наймацнейшых чэмпіянатаў Еўропы, дзе выступаюць наймацнейшыя баскетбалісты сваіх краін, у іх у прафайлах выступу за наймацнейшыя зборныя і тое, што мы там гуляем і тое, што мы там перамагаем – гэта проста выдатна. Гэта нам, беларускаму баскетболу, дае разуменне таго, дзе нам трэба дадаваць, а дадаваць ёсць яшчэ дзе. Але галоўнае – што гэтая дарога, дарога ў вялікі спорт, па якой прайшлі многія нашы хлопцы і сябе зарэкамендавалі, і дзякуючы гэтаму мы ведаем, што калі нацыянальная зборная пачне гуляць, гэтыя хлопцы будуць гатовыя паказаць максімальны вынік!
Цяпер мы працуем з расійскай студэнцкай лігай РЖД, дзе таксама нашы хлопцы, з «Мінска», могуць набірацца міжнароднага вопыту, у цяперашніх умовах, і гэты вопыт добры. Ён дазваляе ім зразумець, што чакае іх у баскетболе наперадзе! Наш клуб унікальны – калі ты прыходзіш сюды (у нашу спартыўную школу) дзіцем, ты крок за крокам можаш прыйсці ў нацыянальную каманду. Гэтую структуру мы будавалі дастатковую доўгі час, і яна працуе, яна дапамагае мець нам таленавітых рабят. За намі глядзяць іншыя замежныя прафесійныя каманды – і гэта зразумела, бо нашы хлопцы ёсць сёння ў расійскіх камандах, прычым на вядучых ролях», – сказаў Шакола.
